L BATADÙ DA D’AUTONN SUN CHEMUN
Uni cin’ ani puech dan che se arleva l autonn
vën te Chemun a se l dé l gran batadù per l tron.
Jal Terrazza ntan chisc ani trueps se à alenà a carté
ntan che autri, al banco, mé dla chertes stajova a bruntlé.
Y cartà iel unit jal Ladinia y monce tla Cësa di Ladins,
vel’ un fajan “bluffen”, vel’ auter jugan bel fin.
Ma l gran batadù de Chemun, chël che conta, de chël n iel mé un
y per chël se pieta trueps, sciche la mosces sun l chetum.
Duc a detlaré bele danora che gën ulëssi carté pea,
ma ntant n valguna chertes doples ascuendi tla brea.
Ntant vëniel scumencià y bel riesc l vedl stratega
al jëunn che pënsa a puntin uelel ti tò Lega.
Nscila bel riesc, mo dan che l vën dit su, pieta l vedl trëi,
che monce l zot de rëur se fir ti ciavëi!
“Ma co fej pa chisc a pité trëi, sce on pu nëus sibe dërta che bon?”
se mpënsa l jëunn, aspitan mo mpue, dan tò la dezijion...
La landa dal’udleda de dlacia ti cëla via al cumpani, bën mpue grama
“Damanda pu –Bessere- o resion pu de se charté via la sama!”
Ma la vedla bolp à bele venciù passa 600 nules te si cariera da cartadëur
l se sënt tan segur, che monce cun l Weli blot se sëntel l miëur.
Purempò bazileiel dedite: l cunësc si chertes, ma nia chëles dl averser
... l se lecorda mo avisa dla lezion dan cin ani, canche l ova perdù contra l comisser.
I “trëi” ie pitei: śën vala de tré tres, cun l puni sun mëisa mo de bater,
ma l jëunn cun si trieva, ti cëla ti uedli y... pieta cater.
La partita scumëncia y duc sà che al partner ti lascen for via l segondo las
ma la landa à mé n tel trionf... y chël mo bas.
Panich ti liejen tla musa, la bolp se mpënsa: “So, śën iela aus!”
Y la landa, despereda, proa mo a pité n “Schlagumtausch”.
“Sce cartëis nscila”, dij l berba al jëunn, “pona ne aduvëis nianca plu de cherdé (su)!”
Y l jëunn lessù: “Fais’a bën tla situazion de pudëi pité?”
“70 ani che vencion l batadù de Chemun, vo ne sëis stac rëidli ntan ch’sc turnoi!”
“Pu sce ne assais nia pità tan da uem... n fossel almanco scrit doi.”
La landa ti cëla śën stort al partner: “Pu ne oves’a nia capì cie che jiva, tu ciavon?”
Y l berba: “Pu ie ove bën almanco l ladron!”
“Nosta tatica ne à nia butà” vëijela ite, “ie rate che pudon propi levé su y dì ciau...
... jon via dai ujins a nes cunselé cun l Mau Mau.”
Y do uni carteda, te chemun o te ustaria, se ascuend for na moral,
nfat sce l va rë de balle o de fueia l ciaval.
Chiche ie massa segur, vën svercià sciche Oswald dal colp dla slaidra
y la conta da paië... ie na bela snaidra.
Uni cin’ ani puech dan che se arleva l autonn
vën te Chemun a se l dé l gran batadù per l tron.
Jal Terrazza ntan chisc ani trueps se à alenà a carté
ntan che autri, al banco, mé dla chertes stajova a bruntlé.
Y cartà iel unit jal Ladinia y monce tla Cësa di Ladins,
vel’ un fajan “bluffen”, vel’ auter jugan bel fin.
Ma l gran batadù de Chemun, chël che conta, de chël n iel mé un
y per chël se pieta trueps, sciche la mosces sun l chetum.
Duc a detlaré bele danora che gën ulëssi carté pea,
ma ntant n valguna chertes doples ascuendi tla brea.
Ntant vëniel scumencià y bel riesc l vedl stratega
al jëunn che pënsa a puntin uelel ti tò Lega.
Nscila bel riesc, mo dan che l vën dit su, pieta l vedl trëi,
che monce l zot de rëur se fir ti ciavëi!
“Ma co fej pa chisc a pité trëi, sce on pu nëus sibe dërta che bon?”
se mpënsa l jëunn, aspitan mo mpue, dan tò la dezijion...
La landa dal’udleda de dlacia ti cëla via al cumpani, bën mpue grama
“Damanda pu –Bessere- o resion pu de se charté via la sama!”
Ma la vedla bolp à bele venciù passa 600 nules te si cariera da cartadëur
l se sënt tan segur, che monce cun l Weli blot se sëntel l miëur.
Purempò bazileiel dedite: l cunësc si chertes, ma nia chëles dl averser
... l se lecorda mo avisa dla lezion dan cin ani, canche l ova perdù contra l comisser.
I “trëi” ie pitei: śën vala de tré tres, cun l puni sun mëisa mo de bater,
ma l jëunn cun si trieva, ti cëla ti uedli y... pieta cater.
La partita scumëncia y duc sà che al partner ti lascen for via l segondo las
ma la landa à mé n tel trionf... y chël mo bas.
Panich ti liejen tla musa, la bolp se mpënsa: “So, śën iela aus!”
Y la landa, despereda, proa mo a pité n “Schlagumtausch”.
“Sce cartëis nscila”, dij l berba al jëunn, “pona ne aduvëis nianca plu de cherdé (su)!”
Y l jëunn lessù: “Fais’a bën tla situazion de pudëi pité?”
“70 ani che vencion l batadù de Chemun, vo ne sëis stac rëidli ntan ch’sc turnoi!”
“Pu sce ne assais nia pità tan da uem... n fossel almanco scrit doi.”
La landa ti cëla śën stort al partner: “Pu ne oves’a nia capì cie che jiva, tu ciavon?”
Y l berba: “Pu ie ove bën almanco l ladron!”
“Nosta tatica ne à nia butà” vëijela ite, “ie rate che pudon propi levé su y dì ciau...
... jon via dai ujins a nes cunselé cun l Mau Mau.”
Y do uni carteda, te chemun o te ustaria, se ascuend for na moral,
nfat sce l va rë de balle o de fueia l ciaval.
Chiche ie massa segur, vën svercià sciche Oswald dal colp dla slaidra
y la conta da paië... ie na bela snaidra.