7 COSSES CHE É MPARÀ A CIALÉ
"AKTENZEICHEN XY"
1) Sce te leves l di dan jì n pension y dut te sà bel
pona saral l di canche te lasceres la pel.
2) Sce te ves te Val d'Anna y abines n ciauzel
pona abineres nia dalonc nce n curtel.
3) Sce te fërmes sun n Autogrill nojì cun l bunder danter i cestini, cialan ite
cun l cë stort,
danter l refudam nia spartì abineres n mort.
4) Ne sté a deventé juvelier, verdian dla stazion o taxist
chël ie belau plu priculëus de deventé pazifist.
5) Per l’aspetativa de vita, canche dala doi daduman ves a cësa dut
ciumpedan,
miec nia vester Miss Kazhakistan,
L se paia vester tel bur' desperà
de chël che degun ne se à mei nteressà y perchël se al for salvà.
6) Ne sté a avëi scioldi te cësa, scioldi a fosch, tel banconotes fosces
chël ie sciche avëi na zopa dal chetum y se lamenté pona dla mosces...
7) L liber "Cazina Cuecena" ne passerà mei de moda, chël ie n dat de fat,
y truep ons nce mparà de gra a "Tone y la condla dal Lat"
Nscila savons de nia dé ahta a chi che nes uel tenì su,
a chiche nes jeta un mo su o uel mo l’ultima nula a Batadù.
Cialan XY éi mparà na mpurtanta lezion,
y nscila, ntan che zutidlei tres luech, ora de sajon,
sëul sciche n cian, me mpënsi: "Mé bon!“
tlo ne iel propi deguni, nianca l bur' lazaron!